intro-irina

Асоцијации. Тоа е првото нешто што ме асоцира на Ирина. Таа обожава да игра „асоцијации“, и „ја бива“! Молете се да Ви се погоди у екипа! Брза е и гласна, досетлива и хумористична! – Така се запознавме… и изгубивме од нејзината екипа! Ирина, во принцип, ги сака сите друштвени игри…
Понекогаш и свири на виолина, понекогаш пее или само си потпевнува, ужива во театарски претстави и сака изложби… и не брои „калории“! Возењето велосипед секако нема да ја спречи да седне ненадејно на пиво, или на „Принцес“ крофна, ако во моментот науми!
Колку што јас ја познавам, нејзината „театралност“ е сосема во контекст на нејзиниот карактер и темперамент. Створена е за какви било креативни уметнички, музички и танцовни, изведби, за настапи, за шоу… и целосно се впушта во секое такво искуство што ќе и’ искрсне…
Заедно со уште две другарки, е ко-автор на пeрформанс во кој поезијата, музиката и сликата се претопуваат меѓусебно. Авторското трио воедно и глуми во истиот… и на Ваше изненадување, Ирина е архитект по професија.
Сум чул многу искрени исповеди на девојки, поготово кога ќе се почувствуваат „загрозено”… Знаете, кога девојка ќе измерка друга девојка во град, од глава до пети, признавајќи, не секогаш јавно но, секако, во себе „Еј добро изгледа типкана“?! …при тоа со израз на лицето, иако несвесно, по малку завидлив?! Eпа, Ирина е „опасната” девојка која сигурно некогаш (несомнено, и женски и машки) сте ja „измеркале”! Евентуално сте помислиле – „Девојкава страшно наликува на „Џенифер Конели!”,- што би била исто толку ласкава помисла! И толку е природна и своја, самоуверена во оптимална доза и ултра духовита… Oд оние луѓе е чие присуство е задолжително на неповторлива, „шик“ тематска собиранка од избрано друштво… и ќе сакате да ја видите повторно, за да си „полебдите“ на харизматичното „облаче“ во кое таа е обвиена… и како што спомнав: супер изгледа кога и да налета човек на неа. Ставот пак и’ е лежерен и говорот опуштен, колку и да е во моментот, стокмена дама!
Да речеме Ирина „пати” од професионална деформацијa: има остро „проектантско око“ за сопствениот aутфит: монолитни сиви и земјени комбинации, „полигонални” фустани – никако „лепршави”, и држи до геометријата како принт – пеперутки ни под разно! Ајде да ублажам за крај: не премногу гардероба но генерално, фини и ексклузивни нешта… со тоа што, години наназад нејзината неостварена желба е пикираното парче да е на 70% попуст! :)

Spread the love

Leave a Reply