По што се познати Швајцарците?

Прекрасното скијање и одличното чоколадо? Практични џебни ножеви и сметки во странство? Основање на Црвениот крст?

Сето тоа е точно.

Но, дали знаевте дека Швајцарија била исто така родно место на една екстремна бунтовничка младинска супкултура, заснована врз опсесијата со иконите на американскиот рокенрол како Елвис Пресли, Џејмс Дин и Марлон Брандо?

Во доцните 50-ти години, Карлхајнц Вајнбергер (1921-2006), еротски фотограф за списанија, во тоа време, открил растечка супкултура на швајцарските „банди“, кои започнале да создаваат бунтовнички изглед кој ги споил американските слики за поп-културата со свои карактеристични идеи за стил.

Тој го посветил своето време да ги следи овие бунтовници наоколу, заработувајќи ја нивната доверба и последователно го документирал нивниот животен стил.

Она што е интересно за сликите е строгиот контраст помеѓу ангелските лица со руса коса, и нивните екстравагантни фармерки прилагодени со завртки, ѓердани со огромни ланци и токи за ремени во форма на оклоп.

Целта на движењето била јасно да се покаже отфрлање на авторитетот и социјалните идеали наметнати од страна на високата класа во Швајцарија во тоа време.

Делото на Вајнбергер, можеби единствената документација денес за оваа изгубена и заборавена супкултура, се цени не само поради историската важност, туку и поради нејзината уметничка вредност.

„Рицоли“ има објавено книга во која се прикажува работата на Вајнбергер, која тивко влијаела врз модата со децении…

Spread the love
  •  
  •  
  •  
  •   
  •   
  •   

Leave a Reply