За да Ве доближам уште повеќе до сржта на скопското актуелно живеење, избрав локален патриот, токму неа, токму од Карпош. Зошто неа, зошто Карпош, како да ви појаснам?! Скопје си има ќошиња, си има убави и културни населби, великани, споменици, спомени но, Карпош се простира низ сржта, како трета аорта, како Вардар, како Партизанска. Прострен линеарно, да, по „нумерирани единици“, но еден е Карпош и старите темели на градот. Ова се времиња на љубови, на свадби, афоризми, жаргони, социјални мрежи, #, самосвесни ликови, бистри глави и шармери и само ќе кажам дека таа е тотално ажуриран, по сите стандарди и величини не-стандардно феноменален современ репрезент.
Како да појаснам? – Таа е Институција, слеш, Карпош е институција, зборуваме за Институција во Институција. Не си младо скопско дете ако не го знаеш овој мештан карпошов. Уште повеќе, ако таа тебе не те познава. И не само од, и во Карпош. Исто како Карпош, лоцирана е во Карпош, но ако Карпош е аорта, таа е цела мрежа што пулсира низ градов. Не си сè уште во брак ако таа не ти играла на свадба и нема твоја свадбарска слика во нејзиниот свадбен албум од фотографии, слеш, во нејзиниот скопски албум на свадби, слеш, во албумот свадби на Скопје. Албумот на Мери е албумот на цело Скопје. Таа е, и Чичко Зоки со брковите кој те венчавал во матично-центар. Реков, Скопје може да се пофали со населби, со ликови, со историја… денес, патриотски, just sayin’, ќе се пофалам со скопскиот лик Мери. 100-ка на саат, духовита, неверојатно шармантна, вон стандарди good-looking и своја СЛЕШ Мери. Од Карпош. Ако треба да ја доловам со неколку зборови, веќе го направив тоа на неколку наврати досега во денешново излагање. За да ја доловам од професионална гледна точка, ќе се повикам на нејзината омилена реклама и ќе ја поистоветам со истата: „The Man Your Man Could Smell Like“ на Old Spice. Мери е македонската транскрипција на истата. Впечатлива, досетлива, креативна и интелигентна, имено, како рекламата. Таа е оној „стар“ (посебен) „зачин“ на успех кој тебе ти треба иии… наеднаш, you’re all over! Ти си добриот, прочуен „парфем“ и си насекаде! Мери е „човекот“ кој ќе направи од тебе „парфем“, слеш, човек каков што сакаш „да те купат“… ќе ги убеди сите и „ќе те продаде“ како добро пакување парфем! Затоа што таа е твојот „тата-мата“ за јавноста, твојата десна рака, твојот ПР, твојот „зачин“ за успех а ти си најпродаваниот „парфем“ во моментот! Just sayin’…
Што се однесува до естетиката нејзина, ставови и нестандардно феноменален изглед, таа е сам-свој PR и сама по себе „плус“ бренд и ќе и’ допуштам сижево за неа, во тој поглед, (инспиративно и автобиографско-музички) да го доврши сама. Последно, ќе „забиберам“ дека е срце-парателен, емотивно приврзан патриот за Карпош, за „шака“ Скопје и глуварчињата, за скопските скопјани, свадбите нивни, спомените наши и ваши.

Spread the love
  • 8
  •  
  •  
  •   
  •   
  •   

One Comment

  • Roska says:

    Meri mi go razubavi denov so energijata koja ja imas. Ova za baletankive, skoro pa ist komentar na mojot soprug programer :) imaj ubav den

Leave a Reply