Oва е еден креативно-инспиративен, во моиве очи, „ladylike психолог“ кој пред сè, ако го пуштите да зборува за сопствената професија страствено ќе се расприкаже и ќе Ве замуабети до недоглед! И зошто да не ladylike?! Доза на класика, колорит, смелост и самоувереност што до некаде е отсликување и на нејзиното држење, манири, нејзиниот персоналитет.

Приватната колекција на Ladylike психологот можам да констатирам дека е „временска машина“ која ќе те лансира и прошета низ повеќе од половина век, стартувајќи од 50тите до ден денес затоа што: ги обожува шапките и шеширите на баба си, винтиџ Астибо фустаните на мајка си, рало „Меквинки“ веќе има и Милува лобутинки што, еден ден, исто така ќе ги има. И како и секој добар исклучок од (ladylike) правилото „кисне“ во oversized блузонот на Индог.

Но, да се разбереме, патот до дамскиот look бил трновит: од шмизла и обиди да изгледа „10 години постаро“ до карго панталони и бејзбол маици и некои други пропратни, непрецизирани „underground“ изданија. Во кое издание и да сте наишле на неа, сега и тогаш, важно е што таа била отсекогаш, тука. Градски лик што во своите уникатни изданија се трансформирал аналогно со изданијата на градот, минувал верно рака под рака со градот, низ етапите на градот. И муабетот беше подеднакво интензивна временска машина што ме катапултираше низ последното 20-годинишно социјално битие на Скопје. И да, Ида е по некоја случајност е „ladylike психологот“ со диско-душа што ќе рече: да, „ловам“ одредени моменти во однесувањата и во муабетите и ќе ми текне, „еј, ова сум го учела“ па само ќе си се насмеам. Не далеку од тоа дека сите сме во извесна мера „когнитивни“ случаи за набљудување. Нели? :)

Spread the love
  • 3
  •  
  •  
  •   
  •   
  •