Гардероберот на Ангела не е ништо помалку од сон во „живи“ бои. Зад вратите ми се отвори нејзиниот свет, се појавија ударни нијанси и разиграни принтови, но и елегантни лелеави парчиња. Ова не е изненадување кога се размислува за нејзината иконска „етикета“ како балерина, со техника која бара огромна сила, вештина и флексибилност, но сепак, обучена да изгледа нежно и грациозно во своите движења… Мешањето модели и експериментирањето со бои се составни делови на нејзиниот сензибилитет, како и на нејзиното лично чувство за стил. „Многу ме инспирираат бои. Кога ќе си го отворам гардероберот или имам некои екстремно шарени парчиња, и си викам леле доста, но многу сакам да експериментирам во тој поглед. Да е поразлично“. Танцовите движења како арабески и пируети се дел од основниот вокабулар за движење на балетот, а такво чувство имав додека игриво се нижеше една комбинација по друга. Убавината и слободата на движењето на телото, преточени во стилски израз. „Ништо не е случајно и сè е свесно, па така и изборот на гардероба и модни додатоци. Со сè што ставаме на себе, сакаме да покажеме нешто и привлечеме некого. Облеката зборува многу за нас и колку повеќе внимание посветиме кон искрено пронаоѓање на сопствениот стил, а не копирање и следење на нешто што е тренд во моментот,толку повеќе ќе пренесеме автентична, јасна и оригинална слика за себеси“.

Истражете ја целата колекција на Ангела и видете го гостувањето на специјалниот „цупкач на прстиња“, нејзиното преслатко кученце, подолу…

Spread the love
  •  
  •  
  •  
  •   
  •   
  •   

Leave a Reply